<AI1>

1      Cyflwyniad

 

</AI1>

<AI2>

1.a  Cyflwyniad ac ymddiheuriadau

 

Ni chafwyd ymddiheuriadau.

 

</AI2>

<AI3>

1.b  Datgan buddiannau

 

Ni chafwyd datganiadau o fuddiant.

 

</AI3>

<AI4>

1.c   Cofnodion y cyfarfod blaenorol

 

Cytunwyd ar gofnodion cyfarfod y Comisiwn a gynhaliwyd ar 8 Tachwedd.

 

</AI4>

<AI5>

2      Strategaeth yr ystâd

 

Trafododd y Comisiynwyr nifer o ffactorau sy'n berthnasol i ddatblygu Strategaeth Ystâd Comisiwn y Senedd.

Roedd y rhain yn cynnwys anghenion swyddfeydd hirdymor i’r Aelodau a staff, defnydd mwy hyblyg ac ystwyth o swyddfeydd, ystyried yr angen am bresenoldeb ar sail ranbarthol ehangach a’r defnydd o'r Pierhead.

Rhoddodd y Comisiynwyr adborth ar yr ystyriaethau strategol a nodwyd, a gwnaethant ofyn am wybodaeth ychwanegol ynghylch rhai meysydd.

 

</AI5>

<AI6>

3      Diweddariad ynghylch COVID-19

 

Hysbyswyd y Comisiynwyr am ddatblygiadau mewn perthynas â gwasanaethau'r Comisiwn, a nodwyd y byddai busnes y Cyfarfod Llawn yn cael ei gynnal yn rhithwir yn ystod yr wythnos i ddod, a bod y Senedd ar gau i’r cyhoedd.

Cadarnhawyd y byddai’r Aelodau a’u staff yn parhau i allu cael mynediad i Dŷ Hywel at ddibenion busnes, neu pan fo anghenion o ran llesiant os yw eu hamgylchiadau’n golygu nad ydynt yn gallu gweithio’n effeithiol gartref.

Cytunodd y Comisiynwyr, yng ngoleuni'r sefyllfa iechyd cyhoeddus presennol, y dylid gohirio neu ganslo digwyddiadau ar yr ystâd am y cyfnod hyd at hanner tymor mis Chwefror.

Gwnaethant gytuno i ail-ystyried y sefyllfa hon yn eu cyfarfod ar 31 Ionawr.

 

</AI6>

<AI7>

4      Cyllideb Atodol 2021-22

 

Rhoddwyd y wybodaeth ddiweddaraf i'r Comisiynwyr am y sefyllfa ariannol yn 2021-22.

Gan ystyried y tanwariant mewn perthynas â'r gyllideb costau etholiad a neilltuwyd, a'r tanwariant a ragwelir mewn perthynas â'r gyllideb a neilltuwyd ar gyfer Penderfyniad y Bwrdd Taliadau Annibynnol, cymeradwyodd y Comisiynwyr y Memorandwm Esboniadol a fydd yn cynnwys gostyngiad o £1.70 miliwn yng Nghyllideb 2021-22 a osodwyd. Bydd y Memorandwm Esboniadol yn cael ei osod fel rhan o broses y Gyllideb Atodol.

Roedd hyn i fod yn amodol ar ganlyniadau cyfrifon mis Rhagfyr, a bydd y Comisiynwyr yn cael eu hysbysu ynghylch unrhyw newid.

Cafodd y llythyr at Gadeirydd y Pwyllgor Cyllid ei gymeradwyo a’i nodi gan y Comisiynwyr hefyd.

 

</AI7>

<AI8>

5      Y wybodaeth ddiweddaraf am ddiogelwch

 

Rhoddwyd y wybodaeth ddiweddaraf i'r Comisiynwyr am y mesurau sy'n cael eu cymryd o ran materion diogelwch a amlygwyd yn ddiweddar.

Rhoddwyd gwybod i'r Comisiynwyr hefyd am drafodaethau sy'n mynd rhagddynt ar lefel uwch rhwng y Comisiwn a heddluoedd yng Nghymru.

 

</AI8>

<AI9>

6      Y diweddaraf am recriwtio lefel uwch

 

Yn unol â gofynion y Ddirprwyaeth ar gyfer ymgynghori, hysbyswyd y Comisiwn am y cynnydd a wnaed tuag at y cynigion y cytunwyd arnynt yn flaenorol i wneud newidiadau i bortffolios Cyfarwyddwr fel rhan o’r gwaith o addasu'r uwch strwythur.

Cawsant y wybodaeth ddiweddaraf am werthusiadau a oedd wedi digwydd ac ymarferion recriwtio ar y gweill. Roedd y rhain yn ymwneud â swyddi'r Prif Gynghorydd Cyfreithiol, Cyfarwyddwr Adnoddau a Chyfarwyddwr Busnes y Senedd.

Gwnaeth aelodau Bwrdd Gweithredol y Comisiwn, ac eithrio’r Clerc, eu hunain yn absennol ar gyfer yr eitem hon.

 

</AI9>

<AI10>

7      Papurau i'w nodi:

 

</AI10>

<AI11>

7.a  Diweddariad gan y Bwrdd Gweithredol (penderfyniadau RAD)

 

Nododd y Comisiynwyr y crynodeb arferol o benderfyniadau recriwtio a ddarperir i bob cyfarfod o’r Comisiwn.

 

</AI11>

<AI12>

8      Unrhyw fater arall

 

·         Hysbyswyd y Comisiynwyr am ohebiaeth gan y Pwyllgor Cyfrifon Cyhoeddus a Gweinyddiaeth Gyhoeddus (i) adroddiad y Pwyllgor ar Adroddiad Blynyddol a Chyfrifon y Comisiwn. Roedd pedwar argymhelliad, a byddai ymateb yn cael ei ddarparu ar gyfer cyfarfod nesaf y Comisiwn; a (ii) llythyr ychwanegol yn gofyn am ystyriaeth y Comisiwn.

Cadarnhawyd i'r Comisiynwyr fod yr ymgynghoriad ar gynigion i newidiadau i Reolau'r Swyddog Cyfrifyddu yn fyw.

 

Ers y cyfarfod diwethaf, fe wnaeth y Comisiynwyr un penderfyniad yn ymwneud ag ymestyn y contractau presennol a oedd ar waith ar gyfer Cynghorwyr Annibynnol i'r Comisiwn.

 

</AI12>

<TRAILER_SECTION>

</TRAILER_SECTION>

<LAYOUT_SECTION>

1.  FIELD_TITLE

 

FIELD_SUMMARY

 

</LAYOUT_SECTION>

<TITLE_ONLY_LAYOUT_SECTION>

2.  FIELD_TITLE

 

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

 

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

 

FIELD_SUMMARY

</ TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

 

</ COMMENT_LAYOUT_SECTION>

 

<SUBNUMBER_LAYOUT_SECTION>

2(i)          FIELD_TITLE

 

FIELD_SUMMARY

 

</SUBNUMBER_LAYOUT_SECTION>

 

<TITLE_ONLY_SUBNUMBER_LAYOUT_SECTION>

2(ii)          FIELD_TITLE

 

</TITLE_ONLY_SUBNUMBER_LAYOUT_SECTION>